Isang araw, hihingal-hingal pang
tumatakbo patungo sa isang silid ang dalagang si Jana. Nasa ospital ang kanyang
lola. Kritikal na ito at nagbiling bago siya mamamatay ay kinakailangang
makausap niya nang masinsinan ang dalaga.
“Apo, may nais akong ipamana sa
iyo. Ang isang mahalagang banga,” sabi nito kay Jana.
“Banga?” naguguluhang tanong nito
sa matanda.
“Ang bangang ito ay hindi pangkaraniwan,
marami kang matututunan dito. Itago mo ‘yung nag-iisang banga sa aking kwarto,”
hirap na pagpapatuloy ng matanda. “ Malalaman mo ang importansya nito sa
takdang panahon.”
Matapos mabigkas ng kanyang lola
ang mga salitang iyon ay tahimik na itong pumikit at pumanaw na ito.
Matapos ang pagluluksa ay
pinuntahan ni Jana ang bahay ng kanyang lola at kinuha ang bangang ipinagbilin
nito. Dinala niya sa kanyang condo ang banga.
“Ano kayang ibig sabihin ni lola
na importante? Eh, parang pangkaraniwan lang ito ah!” sabi niya sa sarili. Ipinagwalang-bahala
na lamang ito ni Jana at natulog na pagkatapos.
“Tulong… Tulong Jana.”
Bigla siyang naalimpungatan. Hindi
niya alam kung saan nanggaling ang bulong na narinig. Hindi niya malaman
subalit waring hinihila siya ng tinig patungo sa banga. Dahan-dahan siyang
lumapit ditto
“Ahh!..”
May biglang humila sa kanya sa
loob ng banga. Nagising na lamang siya sa isang lugar na hindi kilala sa kanya.
Nagtaka si Jana sa mga nakita niya.
“Totoo nga si Lola! Hindi ito
pangkaraniwan! Ito ay bahay ng engkanto!” sabi niya sa sarili. Habang siya ay
naglilibot nagulat siya ng may makitang nakakulong sa hawla at agad niya itong
nilapitan upang tulungan.
“Wag kang lumapit! Magtago ka!” pabulong
na senyas ng binata kay Jana.
Nagulat si Jana nang makita ang
mga engkanto. Mga kulay berde ang balat at nanlilisik ang mga mata. Agad siyang
nagtago sa likod ng mayayabong na halamanan. Nang makaraan na ang mga engkanto
ay tahimik na nilapitan na niya ang bihag na nagngangalang Ferdie.
“Ginoo. Bakit ka nakakulong? Ano
ang nangyari sa iyo?” pag-aalalang tanong ni Jana sa binata.
“Basta, mahabang kuwento, pero
kailangan ko ang tulong mo,” marahang sabi nito.
“Kailangan mong puntahan ang
ermitanyong si Miguel, para malaman mo ang makakatalo sa mga engkanto. Masyado
silang malakas kaya bilisan mo na at hanapin mo si mang Miguel.”
“Pero…” nag-aatubiling wika ng
dalaga.
“Wala ng pero pero, parang awa mo
na, tulungan mo na ako, umalis ka na at baka maabutan ka pa nila!”
Kaagad na umalis na si Jana para
hanapin ang ermitanyo. Habang naglalakad si Jana, tila naliligaw na siya sa
dinadaanan niya, puro puno sa paligid.
Napansin niya ang isang batang
babae. Nilapitan niya ito.
“Ayos ka lang ba iha?” tanong
nito sa bata.
“Ah, nagugutom na po kasi ako,
hindi ko na po kaya!”
“Ano ang pangalan mo?” tanong
niya sa bata.
Ako nga po pala si Marivic.”
Nakadama ng awa si Jana at
nagulat siya ng may madukot siyang tinapay sa kanyang bulsa. Iniabot niya ito
sa bata.
Agad-agad itong kinain ng gutum
na gutom na bata. Nagpasalamat ito at kinain na ang pagkain at nagpakilala si
Jana.
“Ate, sino po ang inyong
hinahanap?”
Ikinuwento na ni Jana ang lahat
noong binigay sa kanya ang banga. Inalok siya ng batang sasamahan sa kanyang
paghahanap.
“Ermitanyong Miguel po ba ang
pangalan?” paguusisa ng bata.
“Oo” gulat na sabi ni Jana.
“Ate Jana, kilala ko po siya.
Siya po ang tatay-tatayan ko. Sasamahan kita papunta sa amin. Tara na!”
Noong nakarating na sila sa bahay
ng ermitanyo. Ikinuwento ni Jana ang sa lahat sa ermitanyo.
“Ganun ba hija, kinakailangan
mong masugpo ang mga engkanto. Hindi madaling makalaban ang mga yun. Kaya
magagamit mo itong Asin, Bawang at Mushroom. At sasamahan ka na namin!”
Agad silang pumunta sa hawla kung
saan naroon ang binata. Ngayon, si Jana ay malakas na ang loob dahil alam
niyang kaya niya na kalabanin ang mga engkanto. Nang makarating na sila.
“Mga engkanto! Pakawalan mo na
ang binata!” sabi niya. At sila ay naglaban. Ginamit ni Jana ang mga ibinigay
sa kanyang bagay ng ermitanyo. Matapos masugpo ang mga engkanto agad niyang
pinakawalan ang binata.
“Maraming salamat sa iyo, Jana.” Nagulat ito kung bakit alam ng binata
ang pangalan niya. Namula ito.
“Paano mo nalaman ang pangalan
ko?” tanong nito. “Ako nga pala si Ferdie, ang iyong…”
“Jana, gising!” sigaw ng kanyang
ina.
“Ano ka bang bata ka. Bakit dito
ka natulog sa tabi ng banga?” Dagdag pa nito.
Doon nalang napagtantuan ni Jana
na ang lahat ng nangyaring iyon ay isa lamang “PANAGINIP!”
Clarissa Guanizo, Krysthin Paragoso, Jana Borja, Ferdie Allam, Ma. Victoria Penos, Airashii TagaƱa, Miguel Dela Cruz
Isinaayos ni: G. Jose Ranie Ili
POST SCRIPT: (Alternatibong Wakas) Tatawa-tawang bumangon si Jana at hindi makapaniwalang panaginip lamang ang lahat. Dinampot niya ang banga para ibalik iyon sa dating lalagyan. Biglang mula rito ay nalaglag ang isang pirasong bawang at ilang mushroom …
Clarissa Guanizo, Krysthin Paragoso, Jana Borja, Ferdie Allam, Ma. Victoria Penos, Airashii TagaƱa, Miguel Dela Cruz
Isinaayos ni: G. Jose Ranie Ili
POST SCRIPT: (Alternatibong Wakas) Tatawa-tawang bumangon si Jana at hindi makapaniwalang panaginip lamang ang lahat. Dinampot niya ang banga para ibalik iyon sa dating lalagyan. Biglang mula rito ay nalaglag ang isang pirasong bawang at ilang mushroom …
Walang komento:
Mag-post ng isang Komento